نبغى يكون م/احلى بنات الأفضل

تحيه طيبه و بعد .. أعضاء أحلى بنات الكرام

عندي عتب وتنبيه للكل ،،،

نتمنى أنكم تزيدون تفاعلكم في احلى بنات بمواضيعكم المثيرة و المفيدة نبي أهتمامكم

نبي لمساتكم تكون واضحة في احلى بنات

نبي حتى الردود والمناقشات تكون فعاله

مش ردود آي كلام وبس وآحنا تكلمنا من قبل وقلنا آن مثل هالردود :

شكراً

ماقصرت

ويسلمووو

ووووووووواااااووووووو

وأبدااااااااااااااااااااااع

مانبيها يامسلمين في احلى بنات

أحنا أرقى من هالشي أكبر من الردود الباهته اللي مالها معنى

بردك البارد واللي مافيه نقاش ليش ؟ أنت متملل زين شدخل العضو المسكين

اللي تعب على الموضوع وتم أكثر من نص ساعه علية تحطمة بهالكلام السخيف

أحنا أنفضل أنكم تسكتون

وماتردون على أنكم تكتبون هالكلمتين يسلمووو ويعطيك العافية

آي عافية الله يرحم لنا والديكم .. على بالكم بيدخلونكم كتاب جنس للأرقام القياسية

لو حطيتوا مليون رد في اليوم .. ترى الردود عشان نفيد ونستفيد منها .... !

لازم كل منا يترك بصمة خاصة فيه تميزة عن غيرة في احلى بنات

فأتمنى أنكم تسعون لتطوير ورقي احلى بنات عشان نتفاخر فيه بكل مكان

وماعتقد أن الرد مشكله كبيره ثقفوا نفسكم ناقشوا تحاوروا

حتى على الصور لازم تعلقون عليها أن شاءالله تكون فيها عيب

قول رآيك لاتسكت أو التصميم فيه شي ناقص عط رآييك

أو حتى لو كان الموضوع يناقش مشكله تكلم لاتخلي شي بخاطرك

أشوف هالأيام بعض الأعضاء الله يهديهم مايعرفون يكتبون على الأقل مقدمة

بس يحط الموضوع وخلاص يعني بالعربي عجزان يكتب كلام بس كوبي بست

والله بعض المواضيع ترقع الضغط ماشتهي أرد عليها لاتنسيق

ولا زينه ولا حتى آيكونز زين حط على الأقل ألون خل كلامك يفتح النفس ..

ترى الزينه ربي مكثرها في عالم النت

و

نبي نشوف شي من صنع يديكم وتعبكم

مافيها شي لو تعبت على موضوع وسويت فكرة من بالك

أو شفتها بموقع وسويت نفسها لكن على طريقتك أنت أنت بس حاول مره بتلاقي

نفسك مبدع مافوقك فوق ^^

عسى الله يوفقكم ويخليكم لـ احلى بنات والسموحة كآن تعبانكم

با لأخير نتمنى كلامنا اللي قلناه اليوم يلاقي تأثير فيكم ويكون

التفاعل في الأيام القادمة أفضل ولكل مجتهد نصيب تأكدوا وأكبر مثال أخوآنكم

المشرفين و المراقبين فـ نتمنى من الجميع في الأيام القادمة الألتزام

لكم مني أجمل تحية وأرق سلام